Aksion policor në Kërçovë: 86 gjoba për shkelje të rregullave të qarkullimit rrugor

Gjatë pasdites së 9 korrikut, nga ora 16:00 deri në 22:00, në territorin e Kërçovës është zhvilluar një kontroll i koordinuar i trafikut nga Sektori për Punë të Trafikut pranë Byrosë për Siguri Publike, në bashkëpunim me Njësinë Mobile për Siguri në Komunikacionin Rrugor, shkruan Flaka

Aksioni kishte për qëllim ndëshkimin e shoferëve që nuk respektojnë rregullat e qarkullimit, ndërsa rezultatet flasin për një numër të konsiderueshëm shkeljesh.

Sipas raportit zyrtar, janë sanksionuar gjithsej 86 drejtues automjetesh, prej të cilëve:

• 25 për ngasje pa leje drejtimi,
• 10 për automjete me dokumentacion të skaduar (leje qarkullimi dhe polisë),
• 1 për ngasje nën ndikimin e alkoolit,
• 2 për drejtim të automjetit pa kategorinë përkatëse,
• 1 për automjet me drita të pasakta ose jofunksionale,
• 15 për mosvendosje të helmetës mbrojtëse nga motoçiklistët,
• 1 për xhama të errësuar pa A-test,
• 2 për transport publik të udhëtarëve pa kontroll teknik të jashtëzakonshëm,
• 1 për mungesë të pajisjeve të detyrueshme në automjet,
• 2 leje drejtimi janë konfiskuar sipas nenit 341 të Ligjit për Siguri në Komunikacion, janë konfiskuar gjithashtu 2 motoçikleta sipas nenit 344 të të njëjtit ligj

Janë marrë masa ndaj 28 pjesëmarrësve të tjerë në trafik për shkelje të tjera.

“Të gjithë shkelësve u janë përpiluar procedurat përkatëse,” thuhet në njoftimin e policisë.

Kontrollet në komunikacion do të vazhdojnë edhe në ditët në vijim. Policia apelon tek të gjithë pjesëmarrësit në trafik që të respektojnë rregullat dhe të kontribuojnë në sigurinë e përbashkët në rrugë. Flaka