Durmishi: BDI në krizë të thellë, tenton destabilizim

Botuar nga Flaka 12 Korrik, 2025 22:17

Ministri i Ekonomisë dhe Punës, Besar Durmishi, ka reaguar ndaj tentativave të BDI-së për të manipuluar opinionin publik përmes anketave të sajuara dhe incidentëve të qëllimshëm, në përpjekje për të mbuluar krizën e thellë politike në të cilën ndodhet.

“Sa herë që BDI-ja dhe i ashtuquajturi Front i Korrupsionit ndodhen në krizë, rikthehen te metodat e vjetra: destabilizime, zjarrvënie, inskenime dhe shpifje mediatike”, shkruan Durmishi, duke përmendur rastin e incidentit me Danella Arsovskën dhe dyshimet për zjarrvënie nga funksionarë të BDI-së.

Ai i cilëson qesharake anketat që BDI publikon herë pas here, të cilat i paraqesin liderët e saj me përkrahje më të madhe se ata të VLEN-it, një përpjekje për të mashtruar qytetarët dhe për të krijuar përshtypje të rreme të epërsisë. “Në realitet, VLEN është bindshëm përpara në shumicën e komunave, në disa raste me raport 3 me 1 ndaj Frontit të Korrupsionit”, thekson ministri Durmishi.

Ai i drejton një sfidë publike Ali Ahmetit dhe bashkëpunëtorëve të tij. “Nëse anketat e tyre janë reale, le ta publikojnë marrëveshjen për ndarjen e komunave! Por nuk e bëjnë, sepse pikërisht ajo marrëveshje e ka fundosur Selën e Taravarin dhe ua ka prerë çdo shpresë për sukses në zgjedhje”, shkruan Durmishi.

Sipas tij, Ali Ahmeti i ka futur në kurth aleatët e vet, duke i eliminuar një nga një dhe tani duke ua lënë atyre barrën e humbjes së sigurtë që e pret BDI-në në zgjedhjet lokale.

“Sot, Taravari është ulur në nivelin e partisë së Arjanit Hoxhës dhe Skender Rexhepit, ndërsa Sela është eliminuar plotësisht. Me vete kanë vetëm një grusht njerëz të interesit, jo strukturat që pretendojnë”, përfundon reagimin ministri Durmishi.

Botuar nga Flaka 12 Korrik, 2025 22:17

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.