Meidani, vizitë joformale në Tetovë, viziton infoqendrën e qytetit

Botuar nga Flaka 15 Korrik, 2025 18:59 Përditësuar

Sot, Ambasadori i Republikës së Shqipërisë në Maqedoninë e Veriut, Denion Meidani, ka zhvilluar një vizitë joformale në qytetin e Tetovës, ku ka takuar qytetarë dhe ka parë nga afër disa nga vlerat kulturore dhe historike që përfaqëson kjo trevë shqiptare.

Gjatë qëndrimit në Tetovë, Ambasadori vizitoi Infoqendrën e qytetit, një hapësirë publike e cila ofron një pasqyrë të gjerë për historinë, trashëgiminë kulturore dhe potencialin turistik të qytetit.

Në këtë vizitë, prezantimi u bë nga Ylber Jahiu, punonjës i Komunës së Tetovës, i cili me përkushtim dhe profesionalizëm i shpalosi Ambasadorit Meidani vlerat dhe resurset historike, kulturore dhe turistike të Tetovës.

”Sot kisha nderin të mirëpres në Tetovë ambasadorin e Republikës së Shqipërisë shkëlqesinë e tij Ambasadorin #DenionMeidani të cilin e njoftova nga afër për trashëgiminë kulturore të Tetovës dhe rolin e Infoqendrës”, u shpreh Jahiu.

Vizita u cilësua si një sinjal pozitiv për thellimin e bashkëpunimit ndërinstitucional dhe përforcimin e lidhjeve mes Tetovës dhe përfaqësive diplomatike shqiptare në rajon. Flaka

Botuar nga Flaka 15 Korrik, 2025 18:59 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.