Xhaka refuzon Arabinë, e ardhmja e tij mbetet e hapur

Botuar nga Drin Zenku 17 Korrik, 2025 19:22

Granit Xhaka, kapiteni i Zvicrës dhe mesfushori i Bayer Leverkusenit, vazhdon të jetë një nga emrat më të përfolur të merkatos verore 2025. Opsioni për një transferim në Arabinë Saudite është mbyllur, pasi klubi Neom SC është tërhequr nga gara, duke mos pranuar të paguajë më shumë se 8 milionë euro për kartonin e tij.

Sipas gazetarit Sacha Tavolieri, kjo shifër nuk ka bindur as Leverkusenin e as vetë Xhakën, duke e bërë të pamundur kalimin në Lindjen e Mesme. Ndërkohë, media zvicerane “4-4-2” ka konfirmuar se Neom SC është larguar përfundimisht nga skena.

Megjithatë, e ardhmja e Xhakës mbetet e hapur. Në garë për të janë futur disa klube të njohura evropiane:

Sunderland, që sapo është rikthyer në Premier League, ka shprehur interes konkret
Fenerbahçe, ku José Mourinho e vlerëson për lidershipin dhe balancën mes sulmit dhe mbrojtjes
Milani, Juventusi dhe Interi po monitorojnë situatën nga afër

Aktualisht, Xhaka ndodhet në kampin stërvitor të Leverkusenit në Rio de Janeiro, ku po përgatitet për sezonin e ri nën drejtimin e Erik ten Hag. Leverkusen ka bërë të qartë se do të kërkojë një vendim të shpejtë, pasi mesfushori është pjesë kyçe e projektit të ri.

Flaka

Botuar nga Drin Zenku 17 Korrik, 2025 19:22

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.