Kancer në rritje – mbi 1.000 raste të reja në Kosovë në 6 muaj

Botuar nga Drin Zenku 20 Korrik, 2025 17:13

Sipas të dhënave nga Klinika e Onkologjisë në QKUK, numri i rasteve të reja me kancer në Kosovë po rritet me 5% çdo vit, duke reflektuar një krizë të heshtur shëndetësore që po prek mijëra qytetarë.

Vetëm nga janari deri në korrik 2025, janë regjistruar rreth 1.070 raste të reja, ndërsa gjatë vitit 2024 u raportuan 3.644 raste, me kancerin e gjirit, lëkurës, mushkërive dhe zorrës së trashë si format më të përhapura.

Drejtori Ilir Kurtishi thekson se shumica e rasteve diagnostikohen në faza të avancuara, për shkak të mungesës së programeve për zbulim të hershëm dhe kapaciteteve të kufizuara në klinikë.

Prevalenca në vitin 2024 ishte 288.3 raste për 100 mijë banorë, ndërsa incidenca 227.4 raste për 100 mijë, me grup-moshën mbi 60 vjeç si më të prekurën.

Faktorët kryesorë për rritjen e rasteve përfshijnë:

Ndotjen e ajrit
Duhanpirjen
Dietat e paekuilibruara
Mungesën e aktivitetit fizik
Infeksionet virale dhe përdorimin e kontraceptivëve

Klinika e Onkologjisë në QKUK ka vetëm 110 shtretër për kimioterapi, shpesh duke ofruar trajtime në salla të improvizuara, me pritje të gjata dhe mungesë të barnave.

Stafi mjekësor apelon për investime urgjente, ndërsa Organizata Botërore e Shëndetësisë paralajmëron se 1 në 5 persona zhvillon kancer gjatë jetës.

Flaka

Botuar nga Drin Zenku 20 Korrik, 2025 17:13

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.