Seanca e 50-të e Kuvendit të Kosovës dështon sërish – ende pa marrëveshje për konstituim

Botuar nga Flaka 21 Korrik, 2025 13:06

Kuvendi i Kosovës ka dështuar për të 50-tën herë radhazi të konstituohet, pasi edhe seanca e mbajtur sot përfundoi pa rezultat, duke zgjatur ngërçin institucional që po zvarritet prej muajsh.

Në seancë morën pjesë 104 deputetë, por pavarësisht pjesëmarrjes, nuk u arrit ndonjë progres në përbërjen e komisioneve dhe konstituimin e plotë të institucioneve.

“Kërkoj nga opozita që të propozojnë një anëtar të komisionit për votimin e fshehtë,” – deklaroi kryesuesi i seancës, Avni Dehari, por opozita refuzoi të marrë pjesë në këtë proces, duke e cilësuar antikushtetues.

Pavarësisht bojkotit opozitar, Komisioni për votimin e fshehtë u votua me 53 vota pro, pa asnjë kundër apo abstenim – megjithatë, mungesa e konsensusit e bëri të pavlefshëm vendimin për ecurinë e mëtejme të procesit konstituiv.

Takimi Kurti–Limaj pa rezultat

Shpresat për një zgjidhje të mundshme ishin rritur pas një takimi të shtunën mes kryetarit të Vetëvendosjes Albin Kurti dhe liderit të Nismës Fatmir Limaj, por seanca e sotme tregoi se nuk është arritur ndonjë marrëveshje konkrete.

“Deri tani nuk ka marrëveshje mes tyre,” – deklaroi deputeti i VV-së, Agim Bahtiri, duke konfirmuar ngecjen.

As Kurti e as Limaj nuk janë deklaruar publikisht në lidhje me takimin dhe përmbajtjen e diskutimeve.

Afati përfundimtar: 26 korrik

Seanca e radhës është caktuar për 23 korrik, ndërsa sipas vendimit të Gjykatës Kushtetuese, 26 korriku është afati i fundit për konstituimin e Kuvendit të Kosovës.

Nëse nuk arrihet marrëveshje deri në atë datë, vendi mund të përballet me pasoja të reja kushtetuese dhe politike. Flaka

Botuar nga Flaka 21 Korrik, 2025 13:06

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.