ASH pëmend 225 milion euro para të pista: Mexhiti hesht, bixhozi fiton

Botuar nga Flaka 23 Korrik, 2025 08:53 Përditësuar

Grupimi politik VLEN dhe drejtuesi i tij, Izet Mexhiti, janë thellësisht të përfshirë në afera ndërtimore dhe marrëveshje të errëta me industrinë e bixhozit, me përfitime të paligjshme që kapin shifrën mbi 225 milionë euro vetëm nga ndërtimet e egra në Komunën e Çairit dhe kontratat e pista me oligarkët e bixhozit.

Në vend që të reagojnë ndaj manovrave për shtyrjen e ligjit për lojërat e fatit, VLEN dhe Mexhiti kanë zgjedhur heshtjen. Dhe kjo heshtje, sipas Aleancës për Shqiptarët, është prova më e qartë e një pazari të heshtur, ku interesat personale dhe aleancat me lobe financiare mbizotërojnë mbi premtimet publike.

“Të katandisur pas përfitimeve materiale, grupimi VLEN është zhytur në gjumë të thellë dhe FLEN kur flitet për mbrojtjen e qytetarëve,” – thuhet në reagimin zyrtar të Aleancës për Shqiptarët.

Sipas kësaj partie, kërkesa e Asociacionit të Organizatorëve të Lojërave të Fatit (APIS) për të shtyrë miratimin e ligjit për pas zgjedhjeve lokale nuk është gjë tjetër veçse një përpjekje për t’i shpëtuar përgjegjësisë publike dhe për të blerë kohë për negociata të mbyllura.

“Ky është sinjali më i qartë se në prapaskenë ekziston një pakt i heshtur mes Qeverisë dhe industrisë së bixhozit për të zbutur ose për të ndryshuar thelbin e ligjit pas zgjedhjeve,” – vlerëson Aleanca.

Kjo parti kërkon publikimin e menjëhershëm të draft-ligjit, përfshirje të ekspertëve dhe qytetarëve në debat, si dhe miratimin urgjent të ligjit që garanton mbylljen e pakushtëzuar dhe të pakthyeshme të të gjitha pikave të bixhozit në vend.

“Nuk mbështesim asnjë version të ligjit që tenton të rilyejë industrinë e bixhozit me terma teknikë apo fjalor evropian. Çdo vonesë është mashtrim. Çdo shtyrje është alibi. Koha për veprim është tani.” – përfundon deklarata e Aleancës për Shqiptarët. Flaka

Botuar nga Flaka 23 Korrik, 2025 08:53 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.