ASH: Mosrespektimi i barazisë etnike rrezikon karakterin unitar të shtetit

Botuar nga Flaka 26 Korrik, 2025 11:42

Aleanca për Shqiptarët reagon me shqetësim të thellë ndaj praktikave të vazhdueshme të diskriminimit institucional dhe përjashtimit sistematik të shqiptarëve nga proceset vendimmarrëse në nivel shtetëror dhe lokal.

Barazia etnike nuk është privilegj, por e drejtë kushtetuese dhe parim themelor mbi të cilin është ndërtuar karakteri unitar i shtetit. Çdo shkelje, anashkalim apo deformim i këtij parimi jo vetëm që cenon drejtësinë shoqërore, por minon themelet e bashkëjetesës dhe vetë kohezionin institucional të shtetit.

Përpjekjet për të rishkruar rregullat e përfaqësimit në mënyrë që favorizojnë një etni mbi tjetrën, janë të papranueshme dhe përbëjnë kthim prapa drejt praktikave të dominimit monoetnik. Nëse kjo linjë politike vazhdon, shteti nuk do të mund të ruajë karakterin e tij unitar, por do të rrëshqasë drejt fragmentimit funksional dhe krizave të brendshme.

Aleanca për Shqiptarët nuk do të pranojë kurrë një shtet ku shqiptarët trajtohen si qytetarë të rendit të dytë. Ne do të mbrojmë me vendosmëri të drejtat tona kolektive dhe do të kundërshtojmë çdo iniciativë që tenton të shkelë balancën e ndërtuar me sakrifica të mëdha politike.

Barazia nuk është kërkesë politike – është kusht për stabilitet, përfundon kumtesa nga Aleanca për Shqiptarët. Flaka

Botuar nga Flaka 26 Korrik, 2025 11:42

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.