Aleanca për Shqiptarët në Likovë zgjedh Shkëlqim Musliun në krye të betejës zgjedhore
Botuar nga Flaka
Në kuadër të përgatitjeve për zgjedhjet lokale të tetorit, Aleanca për Shqiptarët (ASH) po vazhdon me intensifikimin e aktiviteteve në terren dhe konsolidimin e strukturave partiake nëpër degë e lokalitete.
Sot, në Likovë, Kuvendi i Degës së Aleancës për Shqiptarët zgjodhi Shefin e Shtabit për Zgjedhjet Lokale, ku me vota unanime, në krye të shtabit u emërua Shkëlqim Musliu. Ai mori besimin e plotë të strukturës lokale për të udhëhequr përgatitjet dhe organizimin e fushatës elektorale në këtë komunë.
Kryetari i ASH-së, Arben Taravari, përshëndeti vendimin e degës së Likovës, duke uruar emrin e sapozgjedhur për detyrën e re.
“Urime Shkëlqim për detyrën e re! Suksese në punë, na priftë e mbara në këtë proces të rëndësishëm zgjedhor!”
Ndërkohë, ditën e djeshme në fshatin Çegran të Gostivarit, ASH ka zyrtarizuar themelimin e shtabit zgjedhor lokal, gjatë një takimi me aktivistët, strukturat partiake dhe qytetarët e zonës. Në këtë tubim, me mbështetje unanime, në krye të shtabit është zgjedhur Afet Bilalli, një figurë e njohur për përvojën në organizimin politik lokal dhe për angazhimin e vazhdueshëm në terren.
Me këto zhvillime, Aleanca për Shqiptarët tregon vendosmërinë për një fushatë të organizuar dhe gjithëpërfshirëse, duke u fokusuar në mobilizimin e anëtarësisë dhe fuqizimin e strukturave në çdo lokalitet në prag të zgjedhjeve lokale të vjeshtës. Flaka Media
Botuar nga Flaka
Thumbi sot
