City kërkon rikthimin e Palmer – Ofertë rekord prej 250 milionë paund

Botuar nga Drin Zenku 29 Korrik, 2025 12:32

Manchester City është gati të thyejë çdo rekord në historinë e futbollit me një ofertë marramendëse prej 250 milionë paundësh për të rikthyer Cole Palmer në “Etihad Stadium”. Nëse kjo marrëveshje finalizohet, do të bëhej transferimi më i shtrenjtë ndonjëherë në futbollin botëror, duke tejkaluar edhe rekordin e Neymarit te PSG.

Palmer, i cili u largua nga City në vitin 2023 për t’u bashkuar me Chelsea-n për rreth 45 milionë paund, ka njohur një rritje të jashtëzakonshme në karrierën e tij. Me 43 gola dhe 29 asistime në 97 ndeshje, ai është kthyer në liderin e skuadrës londineze dhe një nga lojtarët më të vlerësuar në Premier League.

Pep Guardiola, trajneri katalanas i Cityt, e sheh Palmer si një element kyç për repartin ofensiv, sidomos pas largimit të Kevin De Bruyne. Ai është i gatshëm të investojë një shumë të paprecedentë për ta rikthyer talentin anglez në skuadrën ku nisi karrierën.

Palmer ka kontratë me Chelsea-n deri në vitin 2033, dhe klubi londinez e konsideron si lojtar të paprekshëm, duke refuzuar një ofertë të mëparshme prej 170 milionë paundësh.

Tashmë mbetet për t’u parë nëse Chelsea do të pranojë ofertën rekord, dhe nëse Palmer do të rikthehet aty ku filloi rrugëtimin e tij në elitën e futbollit.

Flaka

Botuar nga Drin Zenku 29 Korrik, 2025 12:32

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.