Izet Mexhiti dhe Visar Ganiu qëndrojnë pas mashtrimit më të madh të ndërtimit ilegal në Shkup

Gent Aliu

Mijëra familje në Çair dhe në gjithë Shkupin janë viktima të një prej mashtrimeve më të mëdha të tregut të banesave në vend, të orkestruar nga Izet Mexhiti dhe Visar Ganiu.

Për vite me radhë, qytetarët janë mashtruar të blejnë banesa pa pronësi ligjore, shumë prej tyre duke shpenzuar kursimet e fundit apo duke marrë kredi vetëm për të siguruar një strehë mbi kokë. Në vend të sigurisë, ata morën mashtrimin.

Sipas vlerësimeve, këto ndërtimi ilegale dhe falsifikimi i dokumentacionit për legalizim kanë shkaktuar dëme mbi 225 milionë euro në buxhetin e shtetit dhe të qytetit të Shkupit. Ky skandal nuk është vetëm çështje shifrash është dramë e mijëra familjeve të tradhtuara, të cilave u është mohuar e drejta për siguri, dinjitet dhe të ardhme.

Përgjegjësia është e qartë. Ndërsa qytetarët përballen me pasojat e jetesës në ndërtesa të paligjshme dhe të pasiguruara, Izet Mexhiti dhe Visar Ganiu vazhdojnë të mohojnë përgjegjësinë. Ata e kthyen detyrën publike në biznes privat, duke sakrifikuar të ardhmen e lagjeve të tëra për përfitime personale.

Është koha për transparencë të plotë, për përgjegjësi penale dhe për drejtësi për çdo familje të mashtruar. Epoka e mosndëshkimit ka përfunduar.