Rasti Kumanovës, reagon si asnjëherë më parë Ali Ahmeti

Botuar nga Flaka 3 Gusht, 2025 17:59

Pas thirrjeve të urrejtjes etnike në Kumanovë dhe klimës politike gjithnjë e më të tensionuar, për çka rapoortoi Flaka e para, ka reaguar edhe lideri i Bashkimit Demokratik për Integrim (BDI), Ali Ahmeti, duke e cilësuar situatën si pjesë të një fushate sistematike kundër barazisë dhe vlerave të ndërtuara ndër vite.

“E kuptoj dhe e ndaj mllefin tuaj miq, jo vetëm nga klithmat e urrejtjes në Kumanovë, por edhe nga fushata e përditshme sistematike kundër barazisë dhe çdo gjë që arritëm bashkë me shumë mund ndër vite,” shprehet Ahmeti në një reagim të publikuar në rrjetet sociale.

Lideri i BDI-së paralajmëron një përgjigje të fuqishme nga populli në zgjedhjet e tetorit, duke bërë thirrje për një refuzim masiv të përçmimit institucional dhe politik ndaj shqiptarëve në Maqedoninë e Veriut.

“Tetori miq, në tetor vjen dita juaj për t’i thënë njëzëri dhe masivisht mjaft më:
– Përbuzjes
– Ofendimeve
– Nënçmimit
– Vazalitetit
– Përkuljes
– Shumëzimit me zero
– Përndjekjeve
– Anulimit të Marrëveshjes së Ohrit, gjuhës shqipe, flamurit kombëtar, përfaqësimit të drejtë dhe adekuat, Badinterit dhe Balanserit
– Largimit nga Bashkimi Europian dhe afrimit me Rusinë e Serbinë,” thekson Ahmeti.

Duke e lidhur mesazhin e tij me zgjedhjet e ardhshme, ai shprehet se “më 19 tetor populli do të flasë shurdhueshëm zëshëm kundër eksperimenteve të vazalitetit.”

“Po ndodh populli… bashkë!” përfundon mesazhin e tij lideri i BDI-së, duke mobilizuar mbështetësit për një përballje të vendosur politike. Flaka

Botuar nga Flaka 3 Gusht, 2025 17:59

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.