Partia e Selës: Deklaratat për UÇK-në janë skandaloze dhe provokim i hapur

Botuar nga Flaka 11 Gusht, 2025 22:10

Aleanca për Shqiptarët, krahu i drejtuar nga Ziadin Sela, ka reaguar ashpër ndaj deklaratave të kryeministrit Hristian Mickoski lidhur me Ushtrinë Çlirimtare Kombëtare (UÇK).

“Deklaratat e kryeministrit Hristian Mickoski për Ushtrinë Çlirimtare Kombëtare janë skandaloze dhe provokim i hapur ndaj ndjenjave kombëtare të shqiptarëve në përgjithësi,” thuhet në reagim.

Sipas partisë, Mickoski po tenton “të mohojë dhe ndalojë një pjesë të lavdishme të historisë sonë” pas, siç thuhet, “zhbërjes së shumë të drejtave dhe të arriturave të deritanishme”.

“Ne e kemi pritur dhe paralajmëruar rrezikun se kjo Qeveri antishqiptare do të arrijë deri këtu dhe të gjitha veprimet tona kanë qenë pikërisht në frymën e parandalimit me kohë të një momenti si ky. Por ajo që edhe më shumë na shqetëson është heshtja e shqiptarëve në Qeveri të cilët siç duket edhe këtë duan ta kalojnë me relativizime dhe ndoshta edhe me sulme ndaj shqiptarëve siç kanë bërë deri më tani,” thuhet më tej në reagim.

Për Aleancën, këto deklarata nuk janë vetëm fyese por edhe të rrezikshme.
“Deklaratat e kryeministrit Mickoski janë sa ofenduese për shqiptarët aq edhe të rrezikshme për stabilitetin e vendit, kohezionin ndëretnik, tensionimin e marrëdhënieve mes bashkësive dhe të ardhmen europiane të vendit,” përfundon reagimi.

Botuar nga Flaka 11 Gusht, 2025 22:10

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.