Protestat në Serbi – 42 policë të plagosur dhe 37 të arrestuar

Botuar nga Flaka 15 Gusht, 2025 11:06

Në Beograd dhe Novi Sad, të enjten mbrëma, përsëri u shënuan incidente gjatë protestave kundër Qeverisë serbe, të thirrura nga studentët që prej muajsh po bllokojnë institucionet e arsimit të lartë.

Ministri i Punëve të Brendshme i Serbisë, Ivica Daçiç, deklaroi se të paktën 42 policë u lënduan, disa rëndë, dhe u ndaluan 37 persona. Ai përshkroi ngjarjet e 14 gushtit si:

“Një nga sulmet më të ashpra ndaj policisë në vitet e fundit. Policia reagoi dhe ndërhyri, përdori mjete kimike aty ku ishte e nevojshme për të zmbrapsur sulmin ndaj vetes. Ky ishte një sulm ndaj shtetit. Ku e merr dikush të drejtën ta sulmojë një polic?”

Televizioni N1 raportoi se pranë ndërtesës së Shtabit të Përgjithshëm në Beograd u hodhën mjete piroteknike ndaj qytetarëve. Njësitë e xhandarmërisë kishin shtyrë më parë demonstruesit larg ndërtesës së Qeverisë për t’i ndarë nga mbështetësit e pushtetit.

Sipas gazetarëve të Radios Evropa e Lirë, një grup burrash me shkopinj ishte mbledhur pranë Shtabit të Përgjithshëm, ndërsa opozita Fronti i Gjelbër–Majtë publikoi video duke pretenduar se ata ishin mbështetës të pushtetit.

Në Novi Sad, disa demonstrues të maskuar shkaktuan dëme në zyrat e Partisë Progresive Serbe (SNS), duke nxjerrë karrige dhe kuti për vezë. Në Nish, demonstruesit goditën policinë me vezë, ndërsa në Kralevë dhe Leskoc hyrja në zyrat e SNS-it u bllokua nga policia.

Botuar nga Flaka 15 Gusht, 2025 11:06

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.