Sulejmani: Banorët e Leshnicës meritojnë transparencë dhe shërbime të denja

Botuar nga Flaka 1 Tetor, 2025 23:45

Kandidati i Aleancës për Komunën e Zhelinës (AKI), Emir Sulejmani, gjatë një takimi me banorët e Leshnicës theksoi se komuniteti është ndjerë i lënë pas dore dhe se nevojitet një qasje e re, më transparente dhe më e përgjegjshme nga pushteti lokal.

“Banorët e Leshnicës kanë treguar durim dhe sakrificë, por meritojnë më shumë vëmendje dhe përkujdesje. Problemet e kanalizimit, të financimit të projekteve dhe mungesa e transparencës duhet të zgjidhen me përgjegjësi dhe në dobi të qytetarëve,” tha Sulejmani.

“Nga Leshnica fillon zbulimi i së vërtetës! Nuk flas thjesht si kandidat, por si zëri i banorëve të zhgënjyer dhe të fyer. Kjo udhëheqësi në ikje ka braktisur komunën, ndërsa në Leshnicë të Poshtme nuk ka shkelur asnjëherë përveç kur afrohen zgjedhjet,” deklaroi Sulejmani.

Ai akuzoi pushtetin lokal për abuzime financiare lidhur me projektin e kanalizimit, për të cilin sipas tij, banorët janë detyruar të paguajnë mijëra euro nga xhepi i tyre, pavarësisht se ky është detyrim ligjor i komunës.

Ai nënvizoi se prioritetet e tij kryesore janë:

Përfundimi i kanalizimit pa ngarkesa shtesë për qytetarët

Transparencë të plotë për çdo investim publik

Rikthim i besimit të qytetarëve tek institucionet komunale

Ndërmarrje publike funksionale dhe në shërbim të komunitetit

Prani e rregullt e kryetarit në çdo fshat dhe lagje

Në fjalën e tij, Sulejmani shtoi se zgjedhjet e 19 tetorit janë një mundësi për të kthyer dinjitetin dhe besimin e qytetarëve tek pushteti vendor.

Botuar nga Flaka 1 Tetor, 2025 23:45

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.