Buffon: “Refuzova Barcelonën për të përfunduar aty ku nisa – te Parma”

Botuar nga Drin Zenku 5 Tetor, 2025 15:19

Legjenda italiane Gianluigi Buffon ka zbuluar se në vitin 2021 kishte marrë një ofertë nga Barcelona për t’u bërë portieri i dytë i katalanasve. Mundësia për të luajtur përkrah Lionel Messit, pas eksperiencës me Cristiano Ronaldon te Juventus, ishte joshëse. Por Buffon nuk pranoi.

Në një rrëfim emocionues, ai tregon se vendimi erdhi gjatë një udhëtimi me makinë: “Një ditë po ngisja makinën dhe në radio dëgjova këngën ‘Bella’ të Jovanottit, që nuk e kisha dëgjuar prej 10 vitesh. Në atë moment pashë tabelën e daljes për Parma. Ishte një shenjë. Duhej të mbyllja aty ku gjithçka kishte nisur.”

Buffon refuzoi Barcelonën dhe disa klube të tjera të Champions League, sepse nuk donte të ishte përsëri rezervë. Në vend të kësaj, ai zgjodhi një rikthim sentimental te Parma, klubi i fëmijërisë së tij, edhe pse skuadra sapo ishte rrëzuar në Serie B. Ky vendim e bëri edhe më të dashur për tifozët, duke treguar se për Buffon pasioni dhe lidhja emocionale vlejnë më shumë se trofetë.

Flaka

Botuar nga Drin Zenku 5 Tetor, 2025 15:19

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.