Gostivar – Qeveria nuk ka bazë ligjore për të emëruar të besuar në Komunë

Botuar nga Flaka 8 Nëntor, 2025 12:34

Detyrën e Ushtruesit të detyrës së Kryetarit të Komunës së Gostivarit e kam marrë në bazë të Vendimit të Këshillit nr. 08-1413/1 të datës 08.07.2024 – thuhet në sqarimin zyrtar të Komunës së Gostivarit, shkruan Gazeta Flaka

Vendimi i Këshillit komunal, siç theksohet, është marrë në përputhje me nenin 54, paragrafi (5) të Ligjit për Vetëqeverisjen Lokale (“Gazeta Zyrtare e Republikës së Maqedonisë” nr. 5/2002), dhe e gjithë procedura për zgjedhjen e Ushtruesit të detyrës është zhvilluar në pajtim të plotë me dispozitat ligjore.

Në ndërkohë, më 1 tetor 2024 është miratuar dhe shpallur në “Gazetën Zyrtare” nr. 202/2024 Ligji për ndryshimin dhe plotësimin e Ligjit për Vetëqeverisjen Lokale. Në nenin 4, paragrafi (2) i këtij ligji përcaktohet qartë se:

“Në një komunë në të cilën, për shkak të ndodhjes së njërit prej rasteve për ndërprerjen e mandatit të kryetarit të Komunës sipas ligjit, Këshilli ka zgjedhur një anëtar nga radhët e tij, i cili do të kryejë detyrën e kryetarit të Komunës, me ditën e hyrjes në fuqi të këtij ligji, anëtari i zgjedhur do të mbetet në detyrë deri në zgjedhjen e kryetarit të ri, në zgjedhjet e rregullta lokale të ardhshme.”

Nga kjo dispozitë buron se vendimi i Këshillit të Komunës së Gostivarit prodhon efekte juridike deri në zgjedhjen e kryetarit të ri, pas mbajtjes së zgjedhjeve të rregullta. Si rrjedhojë, Qeveria nuk ka bazë ligjore për të emëruar të besuar në Komunën e Gostivarit.

Po ashtu, e njëjta logjikë juridike vlen edhe për komunat Vrapçisht, Mavrovë-Rostushë dhe Qendër Zhupë, ku nuk është arritur censusi në raundin e parë të zgjedhjeve. Sipas nenit 134 të Kodit Zgjedhor, i besuari i Qeverisë mund të caktohet vetëm në rast se dështon edhe raundi i dytë i zgjedhjeve. Në këto komuna, ashtu si në Gostivar, do të përsëritet raundi i parë i votimit, që juridikisht llogaritet sikur zgjedhjet nuk janë zhvilluar aspak.

Prandaj, edhe në bazë të Kodit Zgjedhor, Qeveria nuk ka asnjë bazë juridike për të emëruar të besuar në këto komuna.

Sa u përket komunave ku mandati i kryetarëve skadon sipas ligjit, si zgjidhje ligjore propozohet që Qeveria të konstatojë përfundimin e mandatit të kryetarëve aktualë dhe t’u hapë rrugë këshillave komunalë që, në bazë të Ligjit për Vetëqeverisje Lokale, të zgjedhin nga radhët e tyre një Ushtrues detyre Kryetar komune deri në zgjedhjen e kryetarëve të rinj. Gazeta Flaka

Botuar nga Flaka 8 Nëntor, 2025 12:34

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.