Gostivari dhe parimi i vetëqeverisjes lokale

Botuar nga Flaka 8 Nëntor, 2025 11:57

Analisti juridik Qenan Aliu ka rikujtuar rëndësinë e respektimit të Konventës Evropiane për Vetëqeverisje Lokale, me theks të veçantë për rastin e Gostivarit, ku ende diskutohet se kush duhet ta udhëheqë komunën deri në mbajtjen e zgjedhjeve të reja.

Aliu thekson se normat e Konventës shpërfaqin frymë të qartë liberale drejt autonomisë së pushtetit lokal, duke garantuar që organet përfaqësuese lokale të kenë të drejtë mbikëqyrjeje në detaje vetëm për kompetencat e deleguara nga qeveria.

Por, sipas tij, Qeveria nuk mund të ndërhyjë në kompetenca që janë të sanksionuara me ligj si përgjegjësi e pushtetit lokal.

“Qeveria mund të ndërhyjë vetëm në rast se akti i pushtetit lokal nuk është i bazuar në ligj. Në të kundërtën, çdo suspendim apo interferim nga ana e Qeverisë do të përbënte mosrespektim të Konventës, e cila është e ratifikuar nga Kuvendi i RMV-së dhe është pjesë e sistemit juridik të vendit”, shkruan analisti Aliu, me dedikim për rastin e Gostivarit. Ai kujton se kjo praktikë ka edhe precedent ligjor, duke përmendur rastin e Komunës së Shtipit në vitin 2020, kur kryetari i zgjedhur mori postin e ministrit të Transportit dhe Lidhjeve në Qeverinë Zaev.

“Në tetor të vitit 2020, në Komunën e Shtipit, pas emërimit të kryetarit në detyrë si ministër, Këshilli komunal zgjodhi ushtrues detyre të kryetarit deri në mbajtjen e zgjedhjeve të parakohshme në dhjetor të po atij viti,” kujton Aliu. Sipas tij, ky precedent dëshmon qartë se kompetenca për të caktuar ushtrues detyre i takon Këshillit Komunal, jo Qeverisë, përderisa aktet lokale janë në përputhje me ligjin dhe Kushtetutën.

Botuar nga Flaka 8 Nëntor, 2025 11:57

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.