Lajthia: fruti i thatë që forcon organizmin dhe kuron aneminë

Botuar nga Drin Zenku 9 Nëntor, 2025 22:35

Lajthia është një shkurre që arrin deri në 7 metra lartësi dhe gjendet gjerësisht në pyjet e vendit tonë. Ajo lulëzon në muajt janar-shkurt dhe frutat piqen zakonisht në fillim të shtatorit. Përveç shijes së veçantë, lajthia ka një sërë vlerash ushqyese dhe mjekësore, duke u konsideruar si një ndër frutat e thata më të dobishme për shëndetin.

Frutat dhe farat e lajthisë përmbajnë rreth 60% vajra, 15% albuminë, sheqerna dhe kripëra hekuri. Ato përdoren të freskëta, të thata ose të përpunuara në ëmbëlsira, duke ndihmuar në qetësimin e tretjes dhe sistemit nervor. Mielli i lajthisë, i kombinuar me grurin, shndërrohet në një bukë të shijshme dhe të ushqyeshme.

Thelbi i lajthisë është i pasur me vitamina A, B1, B2, PP dhe minerale, duke u rekomanduar për organizmat e dobësuar, gratë shtatzëna dhe personat anemikë. Vaji eterik i saj përdoret për qetësimin e dhimbjeve, thumbimeve të insekteve dhe eliminimin e parazitëve në zorrë.

Gjethet e thara kanë veti tonike dhe përdoren kundër diarresë dhe infeksioneve të zorrëve. Çaji i gjetheve ndihmon gjithashtu në shpërlarjen e lëkurës dhe trajtimin e parazitëve. Lëngu i lëvores ka veti antipiretike, ndërsa pjalmi i luleve është përdorur tradicionalisht kundër epilepsisë.

Kurime popullore me lajthi:

Kundër anemisë: 1 kg lajthi të thërrmuara përzihen me 1 kg mjaltë; konsumohen 3-4 lugë gjelle çdo ditë për 30 ditë.
Kundër diarresë: çaji i gjetheve të lajthisë, i përgatitur me një lugë gjelle gjethe të grimcuara në ujë të zier, pihet menjëherë.
Vaji yndyror: përdoret kundër epilepsisë, lambieve dhe parazitëve të zorrëve.

Lajthia është gjithashtu një astrigjent natyral, antiflamatik dhe pastrues i organizmit, sidomos kur konsumohet së bashku me mjaltin.

Flaka

Botuar nga Drin Zenku 9 Nëntor, 2025 22:35

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.