Komuna e Gostivarit: Kryeministri është keqinformuar – planet urbanistike janë miratuar ligjërisht
Botuar nga Flaka
13 Nëntor, 2025 16:20
Komuna e Gostivarit ka dalur me sqarim pas deklaratës së kryeministrit lidhur me miratimin e dy Planeve Detale Urbanistike, duke theksuar se çdo procedurë është zhvilluar në përputhje të plotë me ligjin dhe se kryeministri është “keqinformuar” për rastin.
Në reagim thuhet se procesi është bazuar në nenin 38, paragrafi 2 të Ligjit për planifikim urbanistik, i cili përcakton afatet dhe kompetencat mes komunës dhe Ministrisë së Transportit dhe Lidhjeve.
“Sipas këtij neni, Ministria e Transportit ka një afat 20-ditor për të dhënë pëlqim ose për të dorëzuar njoftim me vërejtjet e konstatuara. Në rast se Ministria nuk vepron brenda këtij afati, ligji parashikon qartë që Kryetari i Komunës e dërgon planin në Kuvendin Komunal, i cili e shqyrton dhe vendos në votim në seancën e parë të radhës,” thuhet në reagim.
Nga Komuna theksojnë se planet janë miratuar më 2 gusht 2025, në një mbledhje të Këshillit Komunal ku kanë marrë pjesë dhe votuar pro edhe këshilltarë të VMRO-DPMNE-së, gjë që, sipas njoftimit, tregon qartë se procesi ka qenë i rregullt, ligjor dhe transparent.
“Po të kishte pasur parregullsi, këshilltarët nga partia e kryeministrit nuk do të kishin votuar për to,” thuhet më tej.
Në reagim gjithashtu përmendet se për dy planet e përmendura janë zhvilluar dy inspektime nga Inspektorati Shtetëror për Vetëqeverisje Lokale, dhe në procesverbalet përkatëse është konstatuar se miratimi i tyre është bërë në përputhje me dispozitat ligjore, pa asnjë vërejtje apo shkelje.
“Komuna e Gostivarit mbetet e përkushtuar ndaj transparencës, llogaridhënies dhe respektimit të plotë të ligjit. Çdo veprim realizohet në përputhje me kornizën ligjore të shtetit dhe nuk ka vend për interpretime të pasakta apo tendencioze,” përfundon reagimi i komunës. Gazeta Flaka
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.
