Ahmeti: Arritje e jashtëzakonshme, një bravo e madhe për Shqipërinë, bravo Edi

Botuar nga Flaka 17 Nëntor, 2025 10:55

Kryetari i Bashkimit Demokratik për Integrim (BDI), Ali Ahmeti, ka përshëndetur hapjen e të gjithë kapitujve të negociatave të Shqipërisë me Bashkimin Europian brenda vetëm 12 muajve – një arritje që ai e cilësoi si “rekord mbresëlënës”.

“Arritje e jashtëzakonshme, një bravo e madhe për Shqipërinë, bravo Edi. Vërtetë për shqiptarët, dielli lind në Perendim,” – deklaroi Ahmeti, duke vlerësuar udhëheqjen e kryeministrit Edi Rama në këtë proces.

Sipas liderit të BDI-së, perspektiva europiane është e vetmja rrugë e suksesshme për të gjithë vendet e Ballkanit Perëndimor, ndërsa Shqipëria dhe Mali i Zi janë shembulli i dedikimit konkret drejt anëtarësimit në BE.

“Maqedonia e Veriut dhe Kosova duhet të ndjekin hapat dhe t’i bashkangjiten përkushtimit të Shqipërisë dhe të Malit të Zi për t’u integruar në Bashkimin Europian me angazhim konkret në tejkalimin e sfidave para nesh,” – tha ai.

Në këto kohë të paqëndrueshme në Evropë dhe botë, Ahmeti theksoi se orientimi proeuropian është zgjidhja e vetme strategjike:

“Në këto kohëra dhe rrethana të vështira për kontinentin tonë dhe për botën, rruga jonë europiane dhe rreshtimi me Bashkimin Europian është përcaktimi më i sigurt për kombet tona dhe për rajonin.”

Botuar nga Flaka 17 Nëntor, 2025 10:55

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.