Ali Ahmeti pret ambasadorin çek: Integrimi europian, prioritet i panegociueshëm

Botuar nga Flaka 19 Nëntor, 2025 14:02

Kryetari i BDI-së, Ali Ahmeti, ka njoftuar se ka pritur në takim Ambasadorin e Republikës së Çekisë në Shkup, Jaroslav Ludva. Ahmeti theksoi se takimi është zhvilluar në atmosferë miqësore dhe është fokusuar në zhvillimet aktuale politike dhe procesin e integrimit europian të vendit.

“Kisha kënaqësinë të mirëpres Ambasadorin e Republikës së Çekisë në Shkup, z. Jaroslav Ludva”, deklaroi Ahmeti.

Ai potencoi se rruga europiane e Maqedonisë së Veriut mbetet prioritet i pandryshueshëm për BDI-në dhe për shqiptarët në vend.

“Rruga europiane për Bashkimin Demokratik për Integrim dhe për shqiptarët paraqet prioritet të panegociueshëm”, tha Ahmeti.

Në takim u vlerësua edhe roli i partisë në proceset politike të vendit.

“Bashkërisht vlerësuam rolin shtetformues të BDI-së në të gjitha proceset politike në vend”, u shpreh Ahmeti.

Ai shtoi se integrimi europian është investimi më i rëndësishëm për të ardhmen e gjeneratave të reja.

“Procesi i integrimit europian sjell stabilitet politik, rritje ekonomike dhe institucione që funksionojnë për qytetarin”, theksoi lideri i BDI-së.

Botuar nga Flaka 19 Nëntor, 2025 14:02

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.