Rozacea, sëmundja kronike e lëkurës që prek fytyrën dhe shpesh edhe sytë

Rozacea është një sëmundje kronike e lëkurës, relativisht e shpeshtë, e cila karakterizohet nga skuqje e fytyrës me ose pa puçrra të vogla të kuqe. Shkaqet e saj mbeten ende të panjohura, por simptomat janë të dallueshme dhe shpesh të bezdisshme për pacientët.

Shenjat kryesore të rozaceas

• Skuqje e fytyrës, kryesisht në pjesën qendrore.
• Enë të vogla gjaku të dukshme në hundë dhe faqe.
• Puçrra të kuqe me qelb, të ngjashme me aknet.
• Lëkurë e nxehtë dhe e ndjeshme.
• Probleme me sytë: tharje, konjunktivit, blefarit (kapakë të skuqur, të enjtur e të irrituar).
• Rreth 58% e pacientëve me rozacea kanë prekje të syve, madje në disa raste simptomat okulare shfaqen para atyre të lëkurës.
• Ndryshime në hundë (rhinophyma) – trashje e lëkurës si pasojë e hipertrofisë së gjëndrave të yndyrës, më e shpeshtë tek meshkujt dhe në raste të rënda.

Çfarë duhet të kemi parasysh

• Evitimi i faktorëve që e përkeqësojnë sëmundjen.
• Aplikimi i kremit mbrojtës nga dielli me filtër mbi 30.
• Mbrojtja e fytyrës në dimër me shall dhe shmangia e temperaturave shumë të larta në ambiente të brendshme.
• Përdorimi i larësve delikatë dhe shmangia e produkteve që përmbajnë alkool apo substanca irrituese.

Rozacea nuk është thjesht një problem estetik, por një gjendje që kërkon kujdes të vazhdueshëm dhe trajtim të përshtatshëm për të shmangur komplikimet.

Flaka