Valbon Limani: Çfarëdo emri të sjellë VLEN, ne jemi gati për fitore në Gostivar

Botuar nga Flaka 22 Nëntor, 2025 11:18 Përditësuar

Lidhur me emrat që qarkullojnë për garën zgjedhore në Gostivar, Valbon Limani deklaroi se deri më tani të gjitha zërat për kandidatura mbeten pa asnjë konfirmim zyrtar nga ana e oponentëve politikë.

Në emisionin Politica në Tv Globi, Limani tha se pavarësisht emrave të ndryshëm joformalë që qarkullojnë, ende nuk është paraqitur asnjë kandidat konkret.

“Kanë qarkulluar shumë emra, por nuk ka asgjë konkrete. Ne vazhdojmë me aktivitetet tona dhe nuk na ndërron absolutisht asgjë emri që do ta përzgjedhin. Cili do qoftë kandidati i koalicionit VLEN, ne e presim në garën e 11 janarit”, u shpreh Limani, duke theksuar se ekipi i tij është plotësisht i përgatitur.

Ai bëri të ditur se më 11 dhjetor pritet të sqarohen të gjitha emrat që do të hyjnë në garë – qoftë nga koalicionet politike, qoftë nga kandidatët e pavarur, për të cilët tashmë ka nisur mbledhja e nënshkrimeve.

“Më 11 dhjetor do të kemi qartësi të plotë se kush garon dhe si garon. E rëndësishme është se populli do ta thotë fjalën e vet më 11 janar”, deklaroi ai.

Limani gjithashtu nënvizoi se nuk trembet nga asnjë kundërkandidat dhe se besimi i qytetarëve mbetet forca kryesore e fushatës së tij.

Sipas procedurave zgjedhore, afati për dorëzimin e kandidaturave përfundon më 11 dhjetor. Gazeta Flaka

Botuar nga Flaka 22 Nëntor, 2025 11:18 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.