Bekim Sali zë vendin e Zeqirja Ibrahimit në krye të Alternativës

Botuar nga Flaka 8 Dhjetor, 2025 22:35 Përditësuar

Zeqirja Ibrahimi ka njoftuar mbrëmë se ka dhënë dorëheheqjen e tij të pakthyeshme nga pozita e kryetarit të partisë AlternAtivA. Vendimi u komunikua gjatë mbledhjes së Kuvendit Qendror, ku njëkohësisht u zgjodh edhe drejtuesi i ri i përkohshëm i partisë. Me mbështetje të plotë, si ushtrues detyre i kryetarit të Alternativës deri në kongresin e ardhshëm u emërua deputeti dhe zëvendëskryeministri i ardhshëm, Bekim Sali, të cilin Ibrahimi e quajti “mik tridekadësh”.

“Ishte synimi im që të tërhiqesha në fillim të vitit të ardhshëm, por dinamika e re politike kërkoi që vendimet e sotme për të ardhmen e Alternativës dhe të VLEN-it t’i marrë lidershipi i ri. Kjo është më e drejtë politikisht dhe moralisht”, deklaroi Ibrahimi.

Dorëheqja e tij pritet të hapë një fazë të re në organizimin e brendshëm të Alternativës. Kongresi i ardhshëm do të përcaktojë kryetarin e ri me mandat të plotë.

Në njoftimin e tij të gjatë publik, Ibrahimi theksoi se vendimi lidhet me bindjet e tij për nevojën e një lidershipi të ri brenda VLEN-it dhe Alternativës, duke nënvizuar se vendimi nuk ka të bëjë me pakënaqësi apo mosmarrëveshje të brendshme.

“Për të ardhmen e VLEN-it i duhet një projekt i ri politik, një vizion i ri, një kauzë e re dhe një lidership i ri… Unë gjykoj se nuk mund të ofroj më shumë seç kam ofruar deri tash nga ky pozicion, dhe prandaj dëshiroj të jem shtegu për energjinë e re që e kërkon ky proces”, shkroi ai.

Duke reflektuar mbi 11 vitet e angazhimit politik, ai tha se ndihet krenar për rolin e tij në “pensionimin e klasës politike enveriste”, ndërsa shprehu mirënjohje për bashkëpunëtorët, kolegët dhe familjen.

Ibrahimi falënderoi të gjithë ata që e kanë mbështetur, duke shtuar se nuk ushqen armiqësi me askënd:
“Ofenduesve dhe fyesve u them se ua kam falur krejt. Nga unë e kanë të falur të gjithë, pa përjashtim.”

Në fund të deklaratës së tij, ai la të hapur mundësinë për angazhim në prapaskenë në funksion të Alternativës dhe VLEN-it, si dhe premtoi se do të mbetet i përkushtuar ndaj edukimit politik të të rinjve.

Më 6 korrik 2024, në një kongres të jashtëzakonshëm të Alternativa (AAA) — parti me përfaqësim kryesisht në komunitetin shqiptar — Ibrahimi u zgjodh kryetar i Alternativës. Jo më shumë se një vit e gjysëm, Ibrahimi qëndroi në krye të subjektit politik, Alternativa. Gazeta Flaka

Botuar nga Flaka 8 Dhjetor, 2025 22:35 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.