Osmani: Mesazhe të qarta nga Uashingtoni për stabilitetin institucional dhe kushtetues

Botuar nga Flaka 6 Shkurt, 2026 20:09

Zëvendëskryetari i BDI-së dhe ish-ministri i Punëve të Jashtme, Bujar Osmani, ka zhvilluar takime të ndara dhe të drejtpërdrejta në Uashington me figura kyçe të politikës dhe ekspertizës amerikane: anëtarin e Kongresit amerikan Tommy Gonzalez, ish-Ndihmës Sekretarin e Shtetit për Evropën Philip Reeker, si dhe profesorin dhe njohësin e Ballkanit, Edward Joseph.

Sipas Osmanit, mesazhet e përcjella në këto takime kanë qenë të qarta dhe të pandryshueshme në thelb.

“Qeveria e Përzhinës duhet të mbetet si mekanizëm funksional për tejkalimin e krizave politike dhe garantimin e stabilitetit institucional”, ka theksuar Osmani.

Një fokus i veçantë i bisedimeve ka qenë edhe Gjykata Kushtetuese dhe roli i saj në mbrojtjen e rendit kushtetues dhe marrëveshjeve themelore të shtetit.

“Gjykata Kushtetuese duhet të çlirohet nga çdo formë e kapjes politike dhe të ndalë çdo tentativë për cenimin e Marrëveshjes Paqësore të Ohrit”, ka deklaruar Osmani.

Ai ka nënvizuar se partnerët në Uashington e shohin parimin e shumicës së dyfishtë si shtyllë themelore të funksionimit demokratik të shtetit multietnik.

“Parimi i shumicës së dyfishtë gjatë zgjedhjes së Qeverisë mbetet shpirti i demokracisë sonë funksionale multietnike dhe nuk është çështje negociuese”, ka përfunduar Osmani.

Takimet, sipas tij, konfirmojnë se vëmendja ndërkombëtare ndaj zhvillimeve institucionale dhe kushtetuese në Maqedoninë e Veriut mbetet e lartë, veçanërisht në kontekstin e stabilitetit rajonal dhe orientimit euroatlantik të vendit. Gazeta Flaka

Botuar nga Flaka 6 Shkurt, 2026 20:09

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.