Ushqimet që ju ndihmojnë të hiqni dorë nga nikotina

Botuar nga Drin Zenku 15 Shkurt, 2026 21:23

Varësia nga nikotina është një nga sfidat më të mëdha për duhanpirësit që duan të lënë cigaren. Megjithatë, përveç vullnetit të fortë dhe mbështetjes profesionale, edhe ushqimi mund të luajë një rol të rëndësishëm në procesin e detoksifikimit të trupit.

Ekspertët sugjerojnë se disa produkte natyrale mund të ndihmojnë në uljen e dëshirës për nikotinë dhe në pastrimin e organizmit nga toksinat.

Hithra – detoks natyral

Hithra është e pasur me hekur dhe vepron si një detoksifikues i fuqishëm. Ajo ndihmon në forcimin e organizmit dhe në luftimin e infeksioneve, duke mbështetur trupin gjatë periudhës së lënies së duhanit.

Perimet që ulin varësinë

Selinoja, kungulleshka, patëllxhani, fasulet dhe kastravecat mund të ndihmojnë në zvogëlimin e dëshirës për nikotinë. Nga ana tjetër, rekomandohet të shmangen perimet shumë të ëmbla dhe ushqimet me përmbajtje të lartë sheqeri, pasi glukoza mund të aktivizojë zonat e trurit që lidhen me ndjenjën e kënaqësisë dhe të shtojë dëshirat.

Frutat që përshpejtojnë pastrimin e trupit

Portokajt janë të pasura me vitaminë C, e cila ndihmon në përshpejtimin e metabolizmit dhe reduktimin e stresit. Edhe kivi është i dobishëm, pasi ndihmon në eliminimin e nikotinës dhe rikthen nivelet e vitaminave A, C dhe E që bien si pasojë e pirjes së duhanit.

Lëngu i karrotës dhe brokoli për mbrojtjen e trupit

Lëngu i karrotës përmban vitamina A, B, C dhe K, të cilat ndihmojnë në pastrimin e organizmit dhe përmirësimin e gjendjes së lëkurës së dëmtuar nga nikotina.

Brokoli është i pasur me vitamina B5 dhe C dhe përmban substanca që ndihmojnë në mbrojtjen e mushkërive nga dëmtimet e shkaktuara nga toksinat.

Spinaqi – mbështetje shtesë

Spinaqi, falë përmbajtjes së lartë të vitaminave dhe acidit folik, ndihmon në rikuperimin e organizmit dhe mbështet procesin e lënies së duhanit.

Ekspertët theksojnë se një dietë e shëndetshme, e kombinuar me aktivitet fizik dhe mbështetje mjekësore, rrit ndjeshëm shanset për të hequr dorë përfundimisht nga nikotina.

Flaka

Botuar nga Drin Zenku 15 Shkurt, 2026 21:23

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.