A po zbatohen udhëzimet e OKB

Botuar nga Flaka 11 Prill, 2024 19:02

MIMOZA DAJÇI

Pas ardhjes në pushtet të diktaturës së proletariatit, deri në vitin 1991 në Shqipëri “u aplikua” edhe zhdukja e personave të vrarë pa gjyq. Kanë kaluar 8 vite kur një thirrje e OKB, tërhoqi vëmendjen autoriteteve shqiptare se duhet të sigurojnë më shumë shpërblim për familjet e 6000 njerëzve të zhdukur gjatë regjimit komunist në Shqipëri. Ky lajm u bë i njohur pas vizitës njëjavore në Shqipëri nga drejtuesja e OKB-së, Houris Es-Salmi. “Ka ardhur koha – tha ajo – që Shqipëria të kthejë këtë faqe të dhimbshme të së kaluarës. Të gjithë personat e zhdukur dhe familjarët e tyre citon të ketë thënë Salmi kanë të drejtën e dëmshpërblimit, mirëkuptimit, rehabilitimit dhe garancisë për mospërsëritje të këtyre krimeve”

Koha tregon të kundërtën. Këto thirrje e udhëzime të komunitetit ndërkombëtar akoma nuk po zbatohen në Shqipëri. Atje ka shumë probleme që janë lënë “në harresë” e vendi mbulohet nga korrupsioni galopant, krimi i organizuar dhe krimi brenda familjes.

Edhe pse Shqipëria kaloi diktaturën më të egër në Europë, përsëri akoma qeveritë e saj nuk kanë përfunduar procesin e dëmshpërblimeve për ish-të burgosurit dhe internuarit politikë, pjesa dërmuese e të cilëve janë larguar e po largohen nga kjo jetë me shpirt të vrarë e copëtuar, pa marrë as shumën financiare që u takonte nga torturat e vuajtjet e tmerrshme që kaluan nëpër birucat, burgjet e kampet e përqendrimit…

Është hapur muzeu tunel–bunker i nëndheshëm i ish-qeverisë komuniste në Tiranë, por aty nuk pasqyrohen gjithë plagët që i janë shkaktuar padrejtësisht popullit tonë nga ai regjim monstruoz, i cili sa më shumë të ishte vonuar, aq më tepër viktima e të burgosur politikë do të kishim. Të gjithë do të kalonim nëpër atë gijotinë, që vlonte mes spiunimeve dhe letrave anonime. Një zinxhir i tërë i shërbente Sigurimit të Shtetit në Shqipëri. Ishte krijuar industria e spiunazhit, zhdukjeve e vrasjeve me edhe pa gjyq.

Në mbështetje të OKB-së për të zhdukurit nga komunizmi në Shqipëri dhe për të zgjuar qeverinë shqiptare nga gjumi letargjik, një dokumentar mbi këtë temë ka realizuar edhe TV i BBC-së në vitin 2018. Ku protagonist janë kryeministri Edi Rama, ish-i internuari politik Simon Miraka, ish-i burgosuri politik gjeneral Rahman Parllaku, ish-i burgosuri politik Saimir Maloku, drejtoresha e Autoritetit për Informim mbi Dokumentet e ish-Sigurimit të Shtetit Gentiana Sula, gazetarja M. Dajçi dhe ishzv.ministri Nikolin Kurti. Por akoma nuk po shikojmë dritë në fund të tunelit për realizimin e udhëzimeve të OKB-së.

Sa vjen koha e fushatave, qeveritë fillojnë u hedhin një sasi parash ishtë dënuarve politikë dhe vetëm kaq. Janë 50 vite mizori, krime pa fund. Kujt i duhet t’i kompensojë përveç qeverive që shkojnë e vijnë sipas oreksit të tyre e aspak për vuajtjet e popullit. Çdo “thirrje” shkon në vesh të shurdhër. /Panorama/

Botuar nga Flaka 11 Prill, 2024 19:02

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.