Paraqitjet e legjionarëve/ Gjimshiti, paraqitje fantastike në “Anfield”. Shënojnë Uzuni & Muçolli, Manaj jep asist

Flaka
Botuar nga Flaka 16 Prill, 2024 08:52

Paraqitjet e legjionarëve/ Gjimshiti, paraqitje fantastike në “Anfield”. Shënojnë Uzuni & Muçolli, Manaj jep asist

Një tjetër javë me paraqitje pozitive për legjionarët kuqezi që aktivizohen me klubet e tyre në kampionatet jashtë vendit.

Në Europa League, Berat Gjimshiti zhvilloi një ndeshje shumë të mirë në fitoren e Atalantës ndaj Liverpoolit 3-0. Kapiteni i Kombëtares shqiptare dha një kontribut të jashtëzakonshëm në prapavijë duke u vlerësuar si më i miri në mbrojtje me notën 7.5. Gjimshiti ishte i pakalueshëm dhe tani skuadra e tij është vetëm një hap larg gjysmëfinaleve të Europa League.

Myrto Uzuni u rikthye te goli në kampionatin spanjoll. Sulmuesi i Kombëtares shndërroi në gol një penallti që zhbllokoi takimin në sfidën Granada – Alaves. Në fund skuadra e tij mori një fitore shumë të rëndësishme 2-0, ndërsa për Uzunin ishte goli i 10-të sezonal në La Liga.

Një paraqitje fantastike zhvilloi edhe Arbnor Muçolli, i cili i dha fitoren skuadrës së tij Goteborg në transfertë ndaj Kalmar. Sulmuesi i Kombëtares shqiptare realizoi golin e vetëm të takimit në nisje të pjesës së dytë dhe për të ishte goli i parë në sezonin e ri në kampionatin suedez.

Në Turqi, Rey Manaj vijon formën e tij shumë mirë edhe pse këtë radhë nuk gjeti rrugën e rrjetës por asistoi për shokun e skuadrës. Sulmuesi kuqezi i aktivizuar si titullar bëri shumë mirë në majën e sulmit, teksa në minutën e 52-të dha një asist vendimtar për shokun e tij Menig që shënoi golin e vetëm të takimit. Në fund Manaj u vlerësua me notën 8 nga sajti i specializuar për statistika sofascore.

Rrugën e rrjetës këtë javë e gjeti edhe Armando Sadiku, i cili shënoi për Mohun Bagan në fitoren ndaj Bengaluru FC 4-0. Sadiku shënoi golin e fundit të takimit duke vulosur një fitore shumë të rëndësishme për ekipin e tij.

Titullarë me skuadrat e tyre u aktivizuan edhe Elhan Kastrati, Ivan Balliu, Enea Mihaj, Jon Mersinaj, Naser Aliji, Ylber Ramadani, Keidi Bare, Klaus Gjasula, Ernest Muçi dhe Mirlind Daku, ndërkohë dhanë kontributin e tyre si zëvendësues Elseid Hysaj, Mario Mitaj, Arbnor Muja, Armando Broja dhe Arbër Hoxha.

Flaka
Botuar nga Flaka 16 Prill, 2024 08:52
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.

Çdo i treti student ka migruar ose mendon që të migrojë jashtë vendit

Çdo i treti student ka migruar ose mendon që të migrojë jashtë vendit

TË FUNDIT SOT

Lexo më shumë

Thumbi sot

Lexo më shumë

BALLKANI SOT

BOTA SOT

Ekonomia SOT

Inovacione Sot

Kuriozitetet Sot

MË TË LEXUARA