Romano konfirmon datën se kur do të vendoset e ardhmja e Ten Hag

Botuar nga Flaka 19 Prill, 2024 09:04

Pas një tjetër sezoni zhgënjyes me Manchester Unitedin, e ardhmja e teknikut holandez Erik ten Hag duket gjithnjë e më larg Anglisë.

Sipas gazetarit të njohur Fabrizio Romano, Ten Hag do të mësojë më shumë për të ardhmen e tij në javët e fundit të sezonit.

Pikërisht gjatë kësaj kohe Sir Jim Ratcliffe dhe grupi i tij INEOS pritet të marrin një vendim të vështirë, të vazhdojnë me Ten Hag, apo të ndërpresin bashkëpunimin.

Manchester United ka arritur të grumbullojë vetëm 50 pikë nga 32 ndeshje të luajtura në Ligën Premier deri më tani, duke bërë që të mbesin 23 pikë mbrapa liderit Manchester City.

Do të jetë e pamundur për ‘Djajtë e Kuq’ që të përfundojnë në top katërshe, por ata do të përpiqen që ta mbyllin sezonin në një mënyrë pozitive, teksa kanë mbetur edhe gjashtë ndeshje para përfundimit të kampionatit.

“Mendoj se javët e fundit të sezonit do të jenë vendimtare për të vendosur të ardhmen e Erik Ten Hag. Gjithçka është ende e hapur dhe asgjë nuk është e sigurt në këtë pikë”.

“Ne duhet të presim që INEOS të vendosin, por, është e sigurt, situata mes Ten Hag dhe INEOS do të diskutohet përsëri dhe tani nuk është koha për të marrë vendimin përfundimtar”.

“Sidoqoftë, ajo që Ten Hag po transmeton në publik është dëshmi se bisedime janë mbajtur, kështu që kjo është diçka për t’u konsideruar”, ka thënë Romano.

Botuar nga Flaka 19 Prill, 2024 09:04

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.