Paraqitje shumë e mirë e Edon Zhegrovës në derbin ndaj Marseille – vlerësohet me notë të lartë

Botuar nga Driton Zenku 5 Prill, 2024 21:57

Lille ka shënuar fitore me rezultat 3-1 në derbi ndaj Marseille që u zhvillua në kuadër të javës së 28-të në elitën e futbollit francez.

Lille ishte skuadra më e mirë në fushë që nga minuta e parë e këtij takimi, duke mos vënë në dyshim për asnjë moment fitoren.

Golat për vendasit në këtë takim i shënuan Jonathan David, Remy Cabella dhe Gabriel Gudmundsson, ndërsa për Marseille shënoi Pierre Emerick-Aubameyang.

Ndonëse kësaj radhe nuk e gjeti rrugën e golit, Edon Zhegrova përsëri ishte njëri ndër lojtarët më të mirë në fushë, duke u vlerësuar me notë të lartë nga Sofascore.

Për 88 minuta lojë, Zhegrova u vlerësua me notën 7.6, teksa ka goditur një herë shtyllën, ka bërë dy pasime kyçe si dhe ka kompletuar dy driblime.

Ai pati gjithashtu dy harkime të sakta, si dhe tetë duele të fituara ndaj kundërshtarëve në fushë.

Për Zhegrovën kjo ishte paraqitja e 27-të këtë sezon në Ligue 1, ndërsa deri në këto momente ai numëron pesë gola dhe po aq asistime./Telegrafi/

Botuar nga Driton Zenku 5 Prill, 2024 21:57

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.