Aksident i rëndë në rrugën: Fëmijë 11-vjeç në gjendje kritike, tre të lënduar
Botuar nga Flaka
Prokuroria Publike e Maqedonisë së Veriut ka dalë me njoftim zyrtar lidhur me aksidentin e rëndë që ndodhi pasditen e sotme në rrugën ekspres Prilep – Gradsko, transmeton TV21.
Sipas informacioneve, një automjet i tipit Volkswagen Polo me targa të Shkupit ka humbur kontrollin në një kthesë të rrezikshme, ka dalë nga rruga në një segment me bankinë të dëmtuar, dhe është rrëzuar rreth 40 metra më poshtë, në një zonë të banuar.
“Në aksident, lëndime të rënda ka marrë ngasësi i automjetit si dhe një fëmijë 11-vjeç, i cili gjendet në gjendje kritike. Të dy janë transferuar në Qendrën Klinike në Shkup për shkak të seriozitetit të lëndimeve,” thuhet në njoftimin e Prokurorisë.
Në automjet ndodhej edhe një pasagjer tjetër, i cili ka marrë lëndime më të lehta dhe ka marrë ndihmë mjekësore në Spitalin e Velesit.
Prokurori publik nga Prokuroria Themelore e Velesit ka kryer ekspertizën në vendngjarje dhe ka dhënë urdhër për kontroll teknik të automjetit, si dhe analizë të prezencës së alkoolit në gjak të ngasësit.
Hetimet për shkaqet e aksidentit janë në vijim.
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
