Gostivari dhe tradita e kafes mes kandidatëve – rrënjët në vitin 2017

Botuar nga Flaka 10 Gusht, 2025 12:50 Përditësuar

Takimet joformale mes kandidatëve për kryetar komune në Gostivar tashmë kanë një histori. Iniciativa e fundit e Visar Ademit për të ftuar rivalët e tij – Valbon Limanin dhe Sebadin Dautin – për një kafe të përbashkët, ka një vazhdimësi që daton nga zgjedhjet lokale të vitit 2017.

Atëherë, me iniciativë të gazetarëve të Gostivarit, u realizua një takim i ngjashëm mes kandidatëve të asaj kohe: Nevzat Bejta, Sabajdin Izeiri, Arben Taravari, Asaf Ademi dhe Dafina Stojanovska (VMRO-DPMNE). Takimi u zhvillua në njërën nga ëmbëltoret e qytetit, një muaj para ditës së zgjedhjeve lokale të 15 tetorit 2017.

Flaka shpalos sot fotografitë nga ai moment, që për shumëkënd mbeten simbol i komunikimit civil mes rivalëve politikë në prag zgjedhjesh.

Edhe në vitin 2020, Valbon Limani në cilësinë e shefit të Shtabit Zgjedhor të Aleanca për Shqiptarët në Gostivar, pati realizuar një një kafe-bisedë me shefat e shtabeve lokale: Nexhati Jakupi (BDI), Loran Strasevski (VMRO-DPMNE), Daci Filiposki (LSDM), Abdylshyqyr Abedini (Alternativa), Xhevair Miftari (Besa), Furkan Çako (TMBH) dhe Ilker Yusuf (TDP).

Për dallim nga viti 2017dhe 2021 kur takimet u realizuan, tentativa e Visar Ademit këtë herë nuk arriti të finalizohet. Nga Shtabi Zgjedhor i Valbon Limanit i thanë FLAKA-s se takimi mund të realizohet pasi të përfundojnë të gjitha procedurat për zyrtarizimin e kandidaturave.

“Ka zëra që sugjerojnë se disa kandidatë të tjerë mund të kenë shprehur interesin për të kandiduar. Do të ishte e padrejtë të privohen nga e drejta e një takimi edhe kandidatët e tjerë të mundshëm, përfshirë edhe ata të pavarur”, u shprehën nga shtabi i Limanit.

Nga ana tjetër, kandidati Sebadin Dauti deklaroi se nuk i shmanget asnjë forme debati dhe se është i hapur për një kafe joformale me rivalët, “por në ditët në vijim”.

A do të përsëritet fotografia e vitit 2017 edhe këtë vit mbetet për t’u parë – por historia tregon se Gostivari i ka pasur momente të tilla të rralla të rivalitetit civilizues. Flaka Media

Botuar nga Flaka 10 Gusht, 2025 12:50 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.