Kthesë e papritur në vrasjen e 26-vjeçarit: Një i dyshuar ndodhet pas hekurave

Rasti i vrasjes së 26-vjeçarit në Çair po merr një tjetër dimension, pasi ministri i Punëve të Brendshme, Pançe Toshkovski, ka zbuluar se njëri prej personave të dyshuar për përfshirje në krim ndodhet aktualisht në burg.

Toshkovski bëri të ditur se hetuesit tashmë kanë siguruar informacione dhe prova fillestare që, sipas tij, mund të çojnë te identifikimi i personave përgjegjës për vrasjen.

“MPB ka informacione fillestare për autorët. Janë siguruar edhe prova përkatëse lidhur me atë se kush janë kryerësit, kështu që shpresoj se sa më shpejt që të jetë e mundur do t’i sigurojmë dhe ata do të ndiqen penalisht”, deklaroi Toshkovski për Kanal 5.

Një i dyshuar tashmë pas hekurave

Detaji më i pazakontë i zbuluar nga ministri është se njëri prej pjesëmarrësve të dyshuar në ngjarje kriminale është person që më herët është arrestuar nga MPB-ja dhe aktualisht është duke vuajtur dënim me burg.

Megjithatë, Toshkovski nuk dha detaje se në çfarë mënyre personi mund të jetë i lidhur me vrasjen, duke lënë të hapur edhe mundësinë që të jetë marrë në pyetje çështja nëse ai ka pasur ndonjë leje, lirim të përkohshëm apo mënyrë tjetër për të dalë nga burgu. Gazeta Flaka

“Është ende herët të hyjmë në këto detaje. MPB-ja, së bashku me Prokurorinë Publike, do ta shqyrtojë plotësisht situatën”, tha ministri.

26-vjeçari u qëllua nga dy persona në motoçikletë

26-vjeçari u vra në Çair pasi, sipas informacioneve të deritanishme, dy persona që lëviznin me motoçikletë hapën zjarr ndaj tij.

Pas ngjarjes, policia nisi hetimin për identifikimin e autorëve dhe zbardhjen e motivit të vrasjes.

Deklarata e Toshkovskit tregon se hetimi tashmë ka avancuar dhe se autoritetet pretendojnë se kanë prova konkrete për personat që dyshohen për krimin. Ministri u shpreh optimist se të dyshuarit do të arrestohen në një kohë të shkurtër dhe do të përballen me drejtësinë.

Përfshirja e një personi që aktualisht ndodhet në burg e bën edhe më enigmatik rastin, ndërsa mbetet për t’u sqaruar se si dhe në çfarë rrethanash ai lidhet me vrasjen.

59

“A po realizohet programi zgjedhor në Komunën e Tetovës?”

Po realizohet

21

Nuk po realizohet

31

Nuk e di

7