MBP: 902 shkelje trafiku brenda një dite – Kujdes, mërgimtarë!

Më 7 korrik, në kuadër të kontrolleve të rregullta të komunikacionit të zhvilluara nga policia në të gjithë vendin, janë konstatuar gjithsej 902 shkelje të rregullave të trafikut. Nga ky numër, 148 raste kanë të bëjnë me drejtimin e automjeteve pa leje drejtimi – një shifër alarmante për sigurinë rrugore, shkruan Flaka duke u thirrur në informacionet e MPB-së.

Sipas të dhënave të Sektorit për Punë të Brendshme dhe Njësisë Mobile për Sigurinë në Komunikacionin Rrugor, ndër shkeljet më të shpeshta janë:

• 21 shoferë janë kapur duke drejtuar automjetin nën ndikimin e alkoolit dhe janë përjashtuar menjëherë nga trafiku,
• 220 motoçiklistë janë ndëshkuar për mosvendosje të helmetës mbrojtëse,
• 82 raste janë regjistruar për tejkalim të shpejtësisë së lejuar,
• 193 shoferë për parkim të gabuar,
• 40 persona për mosvendosje të rripit të sigurimit,
• 33 shoferë janë ndëshkuar për përdorim të telefonit celular gjatë vozitjes,
• 15 shoferë fillestarë kanë marrë gjoba për shkelje,
• 5 shoferë janë kapur duke parakaluar në mënyrë të pasigurt,
• 2 drejtues të trotinetëve elektrikë janë ndëshkuar për mospërputhje me rregullat.

Ndërkohë, në bazë të Ligjit për Automjete, janë larguar nga komunikacioni 46 automjete të paregjistruara, si dhe 9 mjete të pasigurta teknikisht.

Policia njofton se kontrollet do të vazhdojnë në ditët në vijim, dhe bën apel tek qytetarët që të respektojnë rregullat e trafikut, për të garantuar siguri më të lartë për të gjithë.