MPB: Janë shkatërruar 14 grupe kriminale të organizuara me 201 persona brenda një viti

Përballja me migracionin ilegal është një nga sfidat dhe prioritetet kryesore të punës së Ministrisë së Punëve të Brendshme, për çka flet edhe statistika e veprimeve dhe rezultateve të arritura në periudhën nga 1 korrik 2024 deri më 30 qershor 2025.

Në këtë periudhë janë shkatërruar 14 grupe kriminale të organizuara, në të cilat kanë marrë pjesë 201 persona fizikë dhe 18 persona juridikë. Janë zbuluar 64 raste të kontrabandimit të migrantëve, me rreth 430 persona të përfshirë. Janë parandaluar 6.000 tentativa për kalim ilegal transit, që paraqet një ulje prej gati 50% krahasuar me periudhën e mëparshme.

Në bashkëpunim me Agjencinë Evropiane FRONTEX, Ministria e Punëve të Brendshme zhvillon operacione të vazhdueshme për kontrollin e kufijve dhe përballimin e rreziqeve të sigurisë. Krahas migracionit, janë zbuluar edhe raste të falsifikimit të parave, terrorizmit, prostitucionit, korrupsionit të lartë (në vlerë mbi 16 miliardë denarë), tregtisë së ndaluar me drogë, si dhe raste të reja të kontrabandimit të migrantëve të lidhura me rrjete ndërkombëtare kriminale.

Ministria e Punëve të Brendshme vazhdon luftën pa kompromis kundër migracionit ilegal dhe krimit të organizuar, si një nga prioritetet strategjike për mbrojtjen e sigurisë dhe rendit juridik. Përmes bashkëpunimit të fortë ndërkombëtar dhe aksioneve vendore të vendosura, MPB dërgon një mesazh të qartë: Për krimin nuk ka vend në shoqërinë tonë, përfundon kumtesa. Flaka Media