Valë arrestimesh, aksidentesh dhe sulmesh në vend

Policia e Maqedonisë së Veriut ka raportuar një sërë incidentesh të ndodhura në mbarë vendin gjatë datave 28 dhe 29 qershor, përfshirë raste droge, aksidente trafiku, dhunë familjare dhe vepra penale të ndryshme.

Shkup – Policia arrestoi katër persona në lokacione të ndryshme për posedim të substancave narkotike, përfshirë pluhur të bardhë, marihuanë dhe tableta. Në një tjetër rast, një 25-vjeçar goditi një këmbësor 86-vjeçar në rrugën “Radnjanska”, duke i shkaktuar lëndime të rënda.

Prilep – Një grua 41-vjeçare dhe pasagjeri i saj i mitur u plagosën pas një aksidenti me moped.

Resnjë – Një aksident mes një automjeti dhe një motoçiklete me targa suedeze la dy të lënduar, njëri prej tyre rëndë.

Shtip – Policia arrestoi disa persona për sulme fizike, përfshirë një rast dhune në familje dhe një tjetër ku një 20-vjeçar sulmoi një polic në kryerje të detyrës.

Dellçevë dhe Vinicë – U raportuan disa raste sulmesh fizike dhe posedimi i marihuanës, me arrestime të kryera nga policia vendore.

Bit Pazar, Shkup – Janë denoncuar disa incidente dhune dhe grabitje, përfshirë një të mitur të therur me mjet të mprehtë nga një kushëri i tij dhe një grabitje të një të moshuari.

Manastir dhe Kriva Pallankë – Sulme fizike mes të rinjve në ambiente publike dhe përleshje që çuan në arrestime.

Kumanovë – Një zjarr i madh përfshiu një shtëpi, kuti bletësh dhe ara me të mbjella. Po ashtu, u arrestua një person i dënuar që kishte përfituar leje fundjave dhe u kap me drogë, telefona dhe mallra të vjedhura.

Policia ka njoftuar se për të gjitha rastet janë ndërmarrë masa për zbardhjen e tyre dhe do të pasojnë kallëzime përkatëse penale. Flaka