50 raste të reja me kollën e keqe, gjithsej 399 raste në Maqedoni

Botuar nga Driton Zenku 5 Prill, 2024 19:02

50 raste të reja me kollë e keqe janë raportuar në periudhën nga 29 marsi deri në ditën e djeshme, me një rënie prej 21.9 për qind krahasuar me javën e kaluar. Shumica prej tyre janë raportuar në kuadër të epidemisë në Shkup – 34, ndërsa raste janë raportuar edhe në Manastir – shtatë, Tetovë – pesë dhe nga një në Gostivar, Kratovë, Veles dhe Gjevgjeli, njofton sot Instituti për Shëndet Publik (ISHP).

Mosha e pacientëve të prekur nga kolla e keqe varion nga një muaj deri në 52 vjeç, ndërsa numri më i madh i rasteve janë nga grupmosha deri në katër vjeç. Nga 50 rastet e reja, nëntë janë shtruar në spital.

Sa i përket statusit të vaksinimit të të sëmurëve, theksojnë nga ISHP, 16 persona janë të vaksinuar plotësisht, gjashtë janë të vaksinuar sipas moshës dhe 28 persona janë të pavaksinuar plotësisht, të pavaksinuar ose me status të panjohur vaksinimi.

“Deri më 4 prill, në vend janë regjistruar gjithsej 399 raste me kollë e keqe, me një incidencë prej 21.7/100 mijë banorë. Kjo paraqet një rritje disafish të numrit të të sëmurëve krahasuar me pesëvjeçarin e kaluar – 2019-2023, kur janë regjistruar gjithsej 10 raste.

Shpërndarja e rasteve sipas vendbanimit tregon se numri më i madh i njerëzve jetojnë në Shkup – 317 ose 79,7 për qind, duke mbuluar gjashtëmbëdhjetë komuna të ndryshme.

Për sa i përket shpërndarjes së moshës, personat e prekur janë nga një muaj deri në 78 vjeç. Shpërndarja sipas gjinisë tregon se 197 persona janë meshkuj, dhe 202 janë femra, raporti meshkuj-femra është 1:1.03”, njoftojnë nga ISHP.

Botuar nga Driton Zenku 5 Prill, 2024 19:02

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.