Pendarovski: Vetting i plotë i gjykatësve dhe prokurorëve, por edhe i të gjithë politikanëve
Botuar nga Driton Zenku
Në ditën e dytë të karvanit, kandidati për president Stevo Pendarovski iu drejtua qytetarëve të Probishtipit, nga të cilët sërish kërkoi mbështetjen e tyre më 24 prill dhe 8 maj, përcjell FLAKA.
Duke theksuar se në pesë vitet e fundit atë që ka premtuar dhe realizuar deri në fund, Pendarovski ka theksuar se ai ka qenë, është dhe do të jetë president i të gjithëve.
“Nuk ka asnjë qytetar që ka dashur të më shohë, të flasë me mua dhe unë nuk e kam pritur. Nuk ka asnjë person që më ka kërkuar ndihmë dhe nuk jam përpjekur me të gjitha mundësitë për ta ndihmuar. Dhe nuk ka asnjë qytetar, person në vendin tonë që mund të thotë se e kam degraduar, se e kam diskriminuar, se e kam poshtëruar, se e kam sharë vetëm se nuk është nga kjo strukturë politike, thjesht sepse ai nuk është maqedonas, apo i ndonjë besimi”, theksoi Pendarovski.
Për premtimet e rrejshme të opozitës, Pendarovski tha se qytetarët nuk guxojnë t’u besojnë politikanëve, pikëpamjet e të cilëve ndryshojnë varësisht nëse i thonë publikisht apo prapa kamerave televizive.
Ai shtoi se zyrtarët e opozitës thonë “kurrë Veriu”, por kanë marrë paga të larta zyrtare nga Maqedonia e Veriut për pesë vite me radhë si deputetë, si kryetarë komunash, si këshilltarë lokalë.
Duke folur për gabimet e mëparshme të grupit qeverisës, Pendarovski ndau me qytetarët e Probishtipit idenë e vettingut të plotë të të gjithë gjyqtarëve dhe prokurorëve, si dhe të gjithë politikanëve.
“Lidhur me sloganin kryesor “S’ka drejtësi, s’ka qetësi”, është e drejtë të thuhet se ne u ndalëm në gjysmë të rrugës. Prandaj propozoj dhe të gjithë ata që më mbështesin janë dakord me atë propozim, që menjëherë pas zgjedhjeve, pasi të kemi besimin tuaj, të bëjmë një vetting të plotë, të thellë gjithëpërfshirës të të gjithë gjyqtarëve dhe prokurorëve, por edhe të gjithë politikanëve që kërkojnë besimin tuaj”, përfundoi Pendarovski. FLAKA
Botuar nga Driton Zenku
TË fundit
