Dita e pestë e fushatës zgjedhore – ndryshimet kushtetuese temë dominante

Ndryshimet kushtetuese mbeten në fokus të fushatës për zgjedhjet presidenciale, por a do ta përjetojnë kulmin e vërtetë brenda fushatës për zgjedhjet parlamentare, si pika kryesore rreth së cilës do të kryqezohen shtizat nëse vendi do të ketë qeveri, përcjell FLAKA.

Nga anulimi i marrëveshjeve dhe kuadri i negociatave te ndryshimet kushtetuese me efekt të vonuar, por edhe amendamentet përpara formimit të qeverisë. Për kandidatët për president, edhe pas pesë ditësh fushatë, Bashkimi Evropian është vendimtar në paraqitjet e tyre.

Dhe qëndrimet e VMRO-DPMNE-së dhe LSDM-së për ndryshimet kushtetuese janë të njohura në politikën zgjedhore.

Profesoresha universitare, Biljana Vankovska, kandidate e së Majtës, është e vendosur për këtë çështje, e cila fillimisht e ndërpret marrëveshjen me Bullgarinë, e më pas hap debatin për një Kushtetutë krejtësisht të re.

Retorika parazgjedhore u ndez pasi pak muaj më parë partitë e shqiptarëve në vend nënshkruan një të ashtuquajtur dokument, marrëveshje xhentlemenësh, me të cilën angazhohen se nuk do të jenë pjesë e qeverisë pa një marrëveshje të qartë për ndryshimet kushtetuese. FLAKA