Sara Gjordeni tregon mbështetje për një nga banorët, teksa i dedikon mesazh inkurajues
Pas përjashtimit nga shtëpia e “Big Brother VIP Albania 3” për shkak të një përleshje fizike me Françeska Muratin, Sara Gjordeni ka qenë qendra e vëmendjes së medieve.
Gjithashtu, modelja dhe ish-missi nuk ka humbur interesin për zhvillimet brenda shtëpisë më të famshme në Shqipëri.
Ditën e sotme, Sara ka bërë një rikthim të bujshëm në rrjetet sociale përmes një InstaStory të veçantë që ka zbuluar se cili është banori i saj i preferuar në këtë edicion.
![](https://telegrafi.com/wp-content/uploads/2024/04/sar.png)
Ajo ka zgjedhur të publikojë një video të Heidi Bacit në një moment të ndjeshëm, ku konkurrentja shfaqet duke qarë pas një debati me Julian Dedën.
Fjalët e zgjedhura në postim janë “Durim o Baci”, një shprehje mbështetëse që dëshmon simpatinë e Sarës ndaj Heidit.
![](https://telegrafi.com/wp-content/uploads/2024/04/sara-2.png)
Kjo duket të jetë një mbështetje publike dhe një formë inkurajimi për t’i përballuar me guxim sfidat dhe momentet e vështira që mund të shfaqen në lojë.
Në mënyrë të paqartë, Sara ka treguar gjithashtu se është një “tifoze” e lidhjes romantike mes Heidit dhe Romeo Veshaj.