Radioshpërndarësit të mos transmetojnë video të kandidatëve presidencialë ku ka të mitur, apelon ASHAM

Agjencia për Shërbime Mediatike Audio dhe Audiovizuele apelon deri te radioshpërndarësit që të ndalojnë transmetimin e videove të kandidatëve për president ku shfaqen të mitur, ndërsa pjesëmarrësit në fushatën zgjedhore të harmonizojnë përmbajtjen e reklamave politike me pagesë me rregullore ligjore.

Me monitorimin e prezantimit mediatik zgjedhor për zgjedhjet presidenciale 2024, u konstatua se në kundërshtim me nenin 76 paragrafi 3 të Kodit Zgjedhor, në reklamat politike me pagesë të kandidatëve për president Stevo Pendarovski dhe Bujar Osmani marrin pjesë të mitur.

“Për përmbajtjen e reklamave politike me pagesë janë përgjegjës poroitëit, por radioshpërndarësit janë përgjegjës për ligjshmërinë e transmetimit të tij. Prandaj, radioshpërndarësit duhet menjëherë të ndërpresin transmetimin e këtyre spoteve, ndërsa pjesëmarrësit në fushatën zgjedhore të harmonizojnë përmbajtjen e reklamave të tyre politike me pagesë me rregulloren ligjore, theksohet në kumtesën e sotme të Agjencisë.