ISIS pas Ligës së Kampionëve, “shënjestron” edhe “EURO 2024”
ISIS nuk ka ndërmend të ndalet, teksa pas kërcënimit të 3 qyteteve, ku do të zhvilloheshin ndeshjet e Ligës së Kampionëve, tashmë në shënjestër ka rënë Gjermania. Sipas mediave gjermane bëhet me dije se futbolli po kërcënohet sëriozisht nga Shteti Islamik i ISIS.
Një fotografi e postuar në rrjetet sociale, ngre akoma më shumë dyshimet për sulme terroriste gjatë “Euro 2024”, një eveniment ku mbledh me miliona njerëz nga e gjithë bota. Në postim shikohet një terrorist me armë në metro me titullin “Thirrja e fundit para daljes!”.
Të vënë në dijeni të kësaj situate, Gjermania ka nisur menjëherë të marrë masa dhe të punojë intesivisht për të ndaluar çdo sulm të mundshëm.