Klopp i bindur: “Do të reagojmë, ju premtoj!”
Trajneri i Liverpool dëshiron t’i paraqesë Palace faturën për humbjen me Atalantën.
Liverpooli do të presë Crystal Palace të dielën pas humbjes (0-3) të pësuar nga Atalanta në ‘Anfield’ në Europa League.
“Do të tregojmë një reagim, ju premtoj! Ajo lojë ishte një pikë e ulët në sezonin tonë. E vetmja gjë pozitive në një paraqitje kaq të keqe… ishte se ne mund të luajmë vetëm më mirë. Ndihemi keq për atë që ndodhi”,- rrëfen Klopp, trajner i ‘Reds’ që renditen të dytët në Premier League.
Ndërkohë, Arsenali, që kryeson Premier League, do të përballet nesër me Aston Villa. “Kjo është pjesa më e bukur e sezonit. Lufta për titullin na motivon. Jemi të emocionuar për atë që kemi bërë… dhe duam më shumë”,- thotë Arteta, trajneri i ‘Topçinjve’.