Diplomates nga RMV i hiqet shtesa për fëmijën e tretë

Botuar nga Flaka 15 Prill, 2024 09:40

Firdesa Rahman nga Shkupi tashmë një vit e gjysmë është atashe në Ambasadën e Maqedonisë në Ankara. Për shkak të angazhimit të saj diplomatik, Ministria e Punës dhe Politikës Sociale ia ndërpreu të drejtën e shtesës për fëmijën e tretë. Këtë të drejtë Rahmani e kishte gëzuar nga viti 2016 deri në dhjetor të vitit 2022. Pas vendimit negativ, diplomatja Rahmani procedurën e kishte ankimuar në gjykatë e cila sjell vendim në favor të Rahmanit. Pavarësisht vendimit gjyqësor, shtesa për fëmijën e tretë sërish i mohohet.

“Prej në janar gjyqi e ka sjell vendimin në favorin tim mirëpo Ministria e Punës Sociale nuk e ka zbatuar, as paratë nuk i ka refunduar, as vendim nuk më kanë sjell. Unë jam e detyruar sa herë të vij në pushim të vij këtu, në Qendrën për Punë Sociale në Butel, askush nuk na merr në dorë, nuk na jep sqarim kur do të bëhet, çka do të bëhet. Unë jam shumë e revoltuar nga kjo punë që e bëjnë, ma kanë ndërpre. Ligjin, vendimin nga gjyqi nuk e zbatojnë, e kanë pas aktin që ta zbatojnë 15 ditë pas sjelljes së vendimit, këto nuk e zbatojnë, kjo është mjerim,” tha Firdesa Rahman, atashe në Ankara.

Diplomatja Rahmani kujton institucionet përkatëse se në këtë detyrë është dërguar nga shteti dhe se nuk po bën keqpërdorim të shtesës fëmijërore. Deri në këto momente, Rahmani tha se fëmija ka kryer të gjitha detyrimet për të shfrytëzuar këtë të drejtë. Ajo shprehet e revoltuar ndaj institucioneve, që sipas saj, po tallen me çështjen e saj.

“Ende askush përgjigje nuk jep, jo sot, hajde nesër, kolega nuk është, kolega e punon këtë lëndë, unë nuk e punoj, jam i ri, tre herë dokumentet mi kanë humb. Kjo është turp, turp, me të vërtet jam shumë e revoltuar edhe kërkoj ndihmë edhe nga televizionet. Mua të ardhurat mi paguan Maqedonia, Ministria e Punëve të Jashtme. Fëmija, ku jam unë do të jetë edhe fëmija me nanën. Nuk është të më refuzojnë për çështje private, për çështje që nuk i din ti kryejnë punët deri në fund,” deklaroi Firdesa Rahman, atashe në Ankara.

Drejtori I Qendrës për punë sociale, Izeir Memedi nuk pranoi që të prononcohet për këtë çështje me arsyetimin se rasti është shumë specifik dhe për të njejtin duhet formuar një komision të posaçëm i cili do të vlerësoj se si duhet përfunduar kjo çështje.

Firdesa Rahman, atashe në Ankara të Turqisë është e angazhuar deri në vitin 2025.

Botuar nga Flaka 15 Prill, 2024 09:40

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.