Javën e fundit të fushatës presidenciale
Botuar nga Flaka
Kush ik e kush jo nga përballjet televizive. Retorika politike po ashpërsohet, por edhe ftesat për duele. Pas ditës së sotme kandidati i koalicionit të udhëhequr nga BDI-ja Bujar Osmani ka ftuar në duel kandidaten për presidente të koalicionit të udhëhequr nga VMRO-DPMNE Gordana Siljanovska Davkova, përcjell FLAKA.
Nga ekipi i Siljanovska Dafkovës sot sërish me përgjigje ndaj Osmanit se nëse dëshiron debat të pranojë një format në të cilin do të marrin pjesë të gjithë kandidatët për president. Mirëpo, në takimet e fundit me qytetarët dhe këshillat lokale, Dafkova i ka dhënë porosi qeverisë aktuale dhe kandidatëve të tyre për president që të merren më shumë me veprime dhe llogaridhënie se sa me kualifikime personale, siç tha ajo.
Pendarovski, ndërkaq, kërkoi nga Dafkova dhe nga partia që e përkrahin që të mos jenë pengesë për proceset nëse, siç tha ai, nuk i respektojnë marrëveshjet që i ka nënshkruar vendi.
Për kandidaten e së Majtës, Biljana Vankovska, programi i saj u dallua nga programet e të gjithë të tjerëve, por ajo bëri thirrje edhe për debat publik për t’i ballafaquar argumentet me kundërshtarët e saj dhe për t’i krahasuar programet e tyre.
Nga ana tjetër, Arben Taravari programin e tij e mbështet, siç tha ai, në demokracinë konsensuale ku do të theksohet qartë liria e shprehjes dhe sundimi i ligjit.
Kandidati për kryetar të ZNAM, Maksim Dimitrievski sot me mesazh se për të propozimet për ndryshime kushtetuese që do të kishin të bëjnë me zgjedhjen e presidentit të shtetit në Kuvend, por edhe të hiqet formulimi 20% në gjuhën shqipe seksioni, janë të papranueshme.
Kandidati i koalicionit të udhëhequr nga GROM Guxhmshëm për Maqedoninë, Stevço Jakimovski, në deklaratën e sotme për media, theks të veçantë e ka vënë te qeveria e katërt dhe ka paralajmëruar se do të inicojë reforma në vetëqeverisjen lokale.
Ndonëse retorika dhe thirrja reciproke po bëhen gjithnjë e më të ashpra, të gjithë kandidatët presidencialë ende pretendojnë se avokojnë që fushata të kalojë në mënyrë paqësore pa u keqpërdorur dhe përdorur për të shkëmbyer mesazhe që do të përmbanin gjuhë të urrejtjes. FLAKA
Botuar nga Flaka
TË fundit
