Kosova në KiE/ Politika shqiptare në RMV uron Kosovën!

Botuar nga Flaka 17 Prill, 2024 19:17

“Me 2/3 e votave delegatët e kësaj Asambleje sollën sot vendim historik duke i rekomanduar Këshillit të Ministrave të Europës pranimin e Kosovës si anëtare të Këshillit të Europës” – shkruan në Facebook, lideri I BDI-së, Ali Ahmeti, I cili thotë se ka mbetur vetem edhe një hap për vendosjen e drejtësisë së mohuar një kohë të gjatë në vendin e vet!

“Kosova i takon Europës, duan apo s’duan armiqtë e saj!” – thuhet në postimin e Ali Ahmetit.

“Ky është edhe një sukses i madh dhe historik për shqiptarët e sidomos për Kosovën” – shkruan nëpër rrjete sociale, kreu I Lëvizjes Besa, Bilall Kasami, duke shtuar se Asambleja Parlamentare e Këshillit të Europës, i ka hedhur poshtë të gjitha akuzat politike që opozita në Kosovë në koordinim me BDI-në dhe partnerët e saj në Maqedoninë e Veriut i bëjnë ndaj kryeministrit Albin Kurti dhe Qeverisë së Kosovës.

Kosova në Këshillin e Evropës, ka dominuar edhe në postimet nëpër rrjete sociale të kandidatëve presidencial shqiptar.

“Kështu ka nis beteja për anëtarësimin e Kosovës në Këshill të Evropës” – shkruan në Facebook, Bujar Osmani, duke shpërndarë një video nga mbledhja e Këshillit ministror të KE -së në Torino.

Por, jo vetëm kaq! Osmani ka shpërndarë fjalimin e deputetes së BDI-së, Arta Bilalli Zendeli, në Asamblenë Parlamentare të Këshillit të Evropës.

“Të lumtë Arta! Nëse them se ishte më shumë EMOCION se sa FJALIM, jam e bindur që do të më besoni e kuptoni!” – shkruan Osmani në Facebook.

“Gjithmonë me Kosovën tonë! – thotë Arben Taravari.

“E uroj Kosovën për votimin e opinionit pozitiv për anëtarësim në Këshillin e Evropës. Rruga drejt forcimit të sovranitetit të jashtëm është e vështirë, por me qeveri të pakorruptuar si ajo e Albin Kurtit, bëhet më e lehtë” – thuhet në deklaratën e Taravarit të postuar edhe në profilin e tij zyrtar në Facebook. / tvklan.mk/

Botuar nga Flaka 17 Prill, 2024 19:17

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.