Bytyqi: Ngrini kokën, kthejeni buzëqeshjen – LSDM është trime

“Qytetarët na dërguan një mesazh dje, i dëgjuam. Ne pranojmë përgjegjësinë. Dhe sot është një ditë e re – ne vazhdojmë betejën me rezultatin ZERO-ZERO. Nuk ka dorëzim, nuk ka kohë për dekurajim. Të mos kërkojmë ngushëllime, sepse beteja për Maqedoninë evropiane ende nuk ka përfunduar. Mbani kokën lart, ktheni buzëqeshjet tuaja. Ne si parti jemi të bashkuar dhe do të luftojmë për bindjet tona”, tha në tubimin qendror nënkryetari i LSDM-së dhe bashkëbartësi i listës parlamentare të “Koalicioni për Ardhmërinë Evropiane” në Njësinë zgjedhore 2, Fatmir Bytyqi në Çuçer Sandevë, përcjell FLAKA.

Sipas tij, LSDM-ja vazhdon me vendosmërinë e shtuar si dhe përkushtimin ndaj idesë së Maqedonisë evropiane:

“Dorëzimi nuk është opsion për ne, guximtarët, për ne nga LSDM. Nuk ka ndonjë ndryshim të madh – gjithçka është e arritshme! Në datën 8 maj gjithçka nis nga e para, votat do të numërohen nga ZERO. Le të jetë kjo sfida përmes së cilës do të bashkohemi, për të qenë edhe më të fortë në dy javët e ardhshme. Duke ju parë, të dashur shokë, kam besim se jemi plotësisht të përgatitur për këtë situatë, e cila kërkon të themi me zë të lartë se nuk ka dorëzim”, tha Bytyqi. FLAKA

49

SONDAZHI

A besoni që qeveria është stabile dhe se mund të ecë proceset përpara?

Po

Jo

Nuk e di

• 
• 
• 
• 
• 
• 
•