Arda Guler dëshmon pse e bleu Real Madridi – shënon gol ndaj Real Sociedadit
Real Madridi ka kaluar në avantazh në sfidën ndaj Real Sociedadit të cilën po e luan në udhëtim në kuadër të javës së 33-të në elitën e futbollit spanjoll.
Po zhvillohej minuta e 29-të kur Dani Carvajal me një pasim milimetrik asistoi Gulerin brenda zonës i cili u tregua gjakftohtë përballë portierit.
Ky ishte goli i dytë i turkut me fanellën e Real Madridit, pasi më herët gjatë këtij sezoni shënoi edhe ndaj Celta Vigos në ‘Santiago Bernabeu’.
Real Madridi nëse fiton në fund do i afrohet edhe më shumë titullit kampion në La Liga, që do të ishte i 36-ti në histori të klubit./Telegrafi/