Analisti: Situata është mjaft e tensionuar, po abuzohet me votat e të burgosurve shqiptarë në RMV

Rina Selimi
Botuar nga Rina Selimi 8 Maj, 2024 09:08

Analisti: Situata është mjaft e tensionuar, po abuzohet me votat e të burgosurve shqiptarë në RMV

Analisti Ardian Demiri nga RMV ka komentuar raundin e dytë të zgjedhjeve që do të mbahen ditën e sotme.

Ai theksoi se situata është e tensionuar, ndërsa shtoi se të burgosurit votojnë një ditë para, ku nënvizoi se të burgosurit shqiptar bojkotuan listën për president.

Më tej tha se ka pasur presion që të burgosurit shqiptarë të sillen në atë mënyrë.


“Karakteristikë e raundit të dytë të zgjedhjeve presidenciale është se shkojnë së bashku me zgjedhjet parlamentare. Të burgosurit votojnë një ditë përpara U vërejt ajo që të burgosurit shqiptar e bojkotojnë listën për president. Kjo lë të nënkuptohet që partia në pushtet e cila fushatën e ngriti në premisën e Bjellorusisë, tani del se është partia më europiane. Presionet janë të mëdha. Ka pasur presion që të burgosurit shqiptarë të sillen në atë mënyrë. Situata është mjaft e tensionuar.

Do të kemi një president. Është koha që faktori ndërkombëtar të ndërhyjë, për të disiplinuar. Ahmeti duhet ta dijë që këto gjeste nuk janë në të mirën e tij e as të partisë. BDI është parti që e ka eksperiencën e nevojshme”-tha ai.

Rina Selimi
Botuar nga Rina Selimi 8 Maj, 2024 09:08